نكت مصري ام الاجنبى

* مره واحد فشار قوي بيقول لصاحبه انا كنت ماشى فى الصحره طلع عليا اسد ((نطيت في البحر))،صاحبه قاله بحر ايه بس اللي فى الصحرا، قال لا انا قلت ((لقيت ابو الهول اتشعلقت فى رقبته))، صاحبه قاله وايه اللي جاب ابو الهول في الصحرا,,, فقال وانا ماشي فى الصحرا طلع عليا اسد أكلنى.. ((ارتحت ؟؟))
ــــــــــــــــــــــــــــــــــــــــــــــــــــ
الصحفي: وحضرتك إزاي بتعرف إذا كان المريض مجنون فعلا ولا مجرد تعبان نفسيا
الدكتور: بنعمله إختبار البانيو
الصحفي: واللي هو ؟
الدكتور: بنملى البانيو ميّه على آخره … وندي المريض معلقة وكوباية وجردل … وبنقوله فضيلنا البانيو ده من الميّة
الصحفي: وطبعا لو استخدم المعلقة أو الكوباية يبقي مجنون لإنه المفروض يستخدم الجردل
الدكتور: مممم … هو عامة، العاقل حيرمي ده كله ويشيل سدادة البانيو … تحب اوضتك على الشارع ولا بتبص على الجنينة ؟؟
ـــــــــــــــــــــــــــــــــــــــــــــــــ
* مرة إتنين مساطيل واحد بيقول التانى هما القدماء المصرين بنوا الهرم فى اد ايه .. قاله 50 سنة قاله ياه ليه ؟ قاله اصل كل ما يرصوا حجرين الحكومة تكبس عليهم ..
ــــــــــــــــــــــــــــــــــــــــــــــــ
مرة واحد محشش قاعد قدام بيت واتنين تؤام معديين فتنح اوووووووووي وراح قايل باين اوي انها فوتوشوب.
غبية حبت تفرح جوزها ليلة زواجها قالت له :انا حامل
ـــــــــــــــــــــــــــــــــــــــــــــــ
واحد بيعيط على مراته فى جنازتها فسألوه انت كنت بتحبها قالهم لأ بس سمعت ان البكاء بيعذب الميت.
ــــــــــــــــــــــــــــــــــــــــــــــــ
*واحد مراته ماتت ..وهو ماشي في جنازتها عمال يضحك بوصت عالي ..الناس قالتله انت بتضحك ومراتك لسه ميتة ..قالهم أصل دي أول مرة اعرف هي رايحة فين ..!!